Organizatë kriminale e trafik droge, arrestohet në Durrës 46-vjeçari i shpallur në kërkim ndërkombëtar (EMRI)

Publikuar tek: aktualitet, më 11:17 28-03-2020 Organizatë kriminale e trafik droge, arrestohet në Durrës 46-vjeçari i shpallur në kërkim ndërkombëtar (EMRI) foto ilustruese

Policia e Durrësit në bashkëpunim me Interpol Tirana kanë arrestuar ditën e sotme një shtetas të shpallur në kërkim ndërkombëtar.

Mësohet se bëhet fjalë për Artur Vaqo, 46 vjeç, i cili është dënuara nga Gjykata e Torinos me 13 vjet e 4 muaj burg.

Ai akuzohet për kryerjen e veprave penale "Drejtim i organizatës kriminale, me qëllim trafikun ndërkombëtar të lëndëve narkotike" dhe "Përdorimi i armëve të zjarrit".

Njoftimi i policisë:

Bashkëpunimi dhe koordinimi i veprimeve mes DVP Durrës dhe Interpol Tirana vë në pranga një të kërkuar, i dënuar në Itali për veprimtari kriminale në fushën e narkotikëve.

Strukturat e Policisë Durrës, krahas angazhimit maksimal për monitorimin e zbatimit të masave kufizuese të ndërmarra për parandalimin e përhapjes së COVID-19, vijojnë punën për parandalimin, evidentimin dhe goditjen e paligjshmërisë, kapjen e personave që qarkullojnë me armë dhe lëndë narkotike, si dhe atyre të shpallur në kërkim kombëtar dhe ndërkombëtar.

Në këtë kuadër, specialistët për Hetimin e Trafiqeve dhe Narkotikëve në Drejtorinë Vendore Durrës, në bashkëpunim me Interpol Tirana, në bazë të informacioneve të marra në rrugë operative, bënë të mundur kapjen e shtetasit në kërkim ndërkombëtar:

Artur Vaqo, 46 vjeç, banues në Durrës.

Gjykata e Torinos, këtë shtetas e ka dënuar me 13 vjet e 4 muaj burg, për kryerjen e veprave penale "Drejtim i organizatës kriminale, me qëllim trafikun ndërkombëtar të lëndëve narkotike" dhe "Përdorimi i armëve të zjarrit", parashikuar nga Kodi Penal italian.

Sondazh

Article Logic
Execution time: 0.0090339183807373
array(1) { ["section"]=> string(113) "organizate-kriminale-e-trafik-droge-arrestohet-ne-durres-46-vjecari-i-shpallur-ne-kerkim-nderkombetar-emri-200374" }