Pas kaosit të krijuar këtë të martë komisioni i Reformës Zgjedhore do të zhvillohet sërish online. Pasi deputetët e opozitës përsëritën të njëjtin skenar, duke bllokuar sallën dhe duke mos lejuar zhvillimin normal të kësaj mbledhje, është marrë vendimi që mbledhja e radhës të mbahet online.
Bëhet me dije se me dakordësinë e dy bashkëkryetarëve të këtij komisioni, Enkelejd Alibeajt dhe Damian Gjiknurit, mbledhja do të zhvillohet ditën e premte në datën 09.02.2024 në orën 10:00. Kjo mbledhje do të zhvillohet përmes mjeteve të komunikimit elektronik ZOOM.
LEXO EDHE: Mbledhja e “Zgjedhores”, demokratët futen në sallë, mungon Alibeaj dhe Gjiknuri
Deputetët demokratë me në krye kreun e Grupit Parlamentar të Partisë Demokratike, Gazment Bardhin dhe deputetin demokrat Flamur Noka, janë futur me dhunë në sallën ku pritej të zhvillohej mbledhja.
Bashkëkryetari i këtij komisioni, Damian Gjiknuri nuk u lejua nga deputeti Flamur Noka të futet në sallë, duke deklaruar se nuk do të lejojnë një Reformë Zgjedhore me opozitë të emëruar.
Pjesë nga përplasja:
Gjiknuri: O mulo, vë bast me ato…
Noka: Nuk e zhbëni dot opozitën, opozitë me mua ti nuk e bën dot
Noka: A ke qenë në opozitë ti, a ke pasur bashkëkryetar? Pse nuk na lë edhe neve ta kemi
Gjiknuri: Po, e keni bashkëkryetarin tuaj vetë e keni zgjedhur
Noka: Jo, atë e ka zgjedhur Edi Rama
Sondazh
Lexo gjithashtu
