Në Kosovë po vazhdon një aksion i madh i udhëhequr nga Inspektorati Policor i Kosovës në koordinim me Prokurorinë Speciale të Kosovës, ku janë arrestuar disa zyrtarë.
Bëhet me dije se deri më tani janë arrestuar dy komandantët e dy vendkalimeve kufitare të Qafë Prushit dhe Qafë Morinës.
Gjithashtu në pranga kanë rënë edhe të gjithë policët që ishin në turn në pikat kufitare.
Aksioni është duke vazhduar, mirëpo së shpejti pritet që Prokuroria Speciale të dal me një njoftim për media.
Mediat kosovare bëjnë me dije se pritet të arrestohen 40 zyrtarë nën akuzën e “marrjes së ryshfetit” dhe “keqpërdorim i pozitës apo autoritetit zyrtar”.
“Ky hetim është duke u zhvilluar në koordinim të plotë me Prokurorinë Speciale të Republikës së Kosovës (PSRK) duke përfshirë edhe masa të fshehta të hetimit dhe bashkëpunim edhe me agjenci të tjera”, njoftoi Inspektorati Policor i Kosovës (IPK).