Prokurori i Përgjithshëm Olsian Çela është takuar ditën e sotme me delegacionin e prokurorëve të ardhur nga Belgjika, të kryesuar nga prokurori federal Frederik Van Leeuw.
Delegacioni do të jetë në Shqipëri për një vizitë 3 ditore, në kaudër të marrëveshjes mes dy institucioneve, të nënshkruar në Bruksel në vitin 2011.
Në këtë takim u diskutua përdorimi i formave të veçanta të bashkëpunimit dhe u vlerësua nevoja për të vazhduar në mënyrë të koordinuar me institucionet përkatëse shkëmbimin e informacioneve.
Delegacioni i Zyrës së Prokurorisë Federale të Mbretërisë së Belgjikës përbëhet nga Prokurori Federal Frederic Van Leeuw, Zëvendës Prokurori Federal Eric Bischop, si dhe nga magjistratë federal dhe ekspertë ligjorë.
Ky delegacion do të zhvillojë takime edhe me Ministren e Drejtësisë Etilda Gjonaj, Kryetarin e Këshillit të Lartë të Prokurorisë Gent Ibrahimi dhe Drejtuesin e SPAK Arben Kraja.