Tirana
clear sky
1.5 ° C
1.5 °
1.5 °
80 %
1kmh
0 %
Mar
12 °
Mër
13 °
Enj
13 °
Pre
14 °
Sht
9 °
E hënë, 28 Nëntor, 2022

“O Rama, o legen”, Ministrja Kushi dënon keqpërdorimin e fëmijëve në protesta: T’i rrisim me vlerat, lërini të rriten të qetë në fëmijërinë e tyre

spot_img

Lajme të ngjashëm

Ministrja e Arsimit Evis Kushi ka komentuar ligjëratën e një vajze të vogël në protestën e së dielës, e cila nuk ka kursyer as fyerjet drejt qeverisë.

Kushi me anë të një postimi në rrjetet sociale shkruan se fëmijët duhet të lihen që të shijojnë fëmijërinë e tyre dhe jo të keqpërdoren në protesta dhe sidomos të mësohen që të fyejnë dhe të shajnë.

Ministrja cilësoi se nuk është kundër protestave, por keqpërorimit të nxënësve apo fëmijëve dhe çedukimin e tyre.

Vajza e vogël që shihni në foto pasi mbajti në fjalë ajo në fund të fjalisë së saj tha se “o Rama o legen”.

Postimi i plotë:

Rastësisht pashë në media një vajzë të vogël rreth 10 vjeçe, hipur në podiumin e protestës, që fliste për rritjen e çmimeve dhe nevojën për rritjen e pagave. Madje mbante në duar dhe fliste edhe për planin urban të një zone këtu në Tiranë.

Në një moment të caktuar vajza e vogël, e stimuluar edhe nga duartrokitjet e qytetarëve të ekzaltuar, filloi të shajë me fjalë fyese, madje të turpshme, dhe çuditërisht dhjetëra mikrofona mediash vazhdonin të drejtoheshin me shumë fokus dhe interes ndaj saj. 

Dukej qartë që gjithçka ia kishin mësuar përmendësh dhe vajza e vogël i artikulonte fjalët pa kuptuar rëndësinë e tyre dhe as arsyet apo qëllimin e vërtetë të protestës.

Më ka tronditur vërtetë kjo ngjarje, sepse në shkollat tona një armatë e gjerë mësuesish i kushtojnë energji pa fund edukimit të fëmijëve me gjuhën e respektit, mirëkuptimit dhe komunikimit paqësor me njëri-tjetrin.

Unë nuk jam kundër protestave, nëse ato janë të drejta, paqësore dhe kanë si qëllim një interes të lartë publik. Por unë nuk mund të pranoj keqpërdorimin e fëmijëve dhe çedukimin e tyre, në kundërshtim me parimet dhe normat bazë të demokracisë dhe qytetarisë.

Prandaj unë protestoj kundër atyre prindërve që keqpërdorin, apo lejojnë që fëmijët e tyre të keqpërdoren nga të tjerët në protesta, dhe u bëj thirrje të gjithëve si shoqëri që t’i dënojmë fort dhe të reagojmë ndaj ngjarjeve të tilla.

Prindër të dashur, lërini fëmijët të rriten të qetë në fëmijërinë e tyre e të mësojnë sa më shumë vlera! Ju ftoj të jeni mbështetës edhe për mësuesit e fëmijëve tuaj, duke i përgatitur ata si qytetarë të mirë e të denjë për shoqërinë tonë.

Më shumë




spot_img








spot_img