Zyrat elektorale të dy subjekteve politike në Fier janë qëlluar me gurë.
Policia ka konstatuar thyerjen e dy xhamave në lagjen “1 Maj” Fier, në rrugën “Jani Bakalli”. Mësohet se në orët e para të mëngjesit janë dëmtuar zyrat e PS-së dhe PDIU-së në Fier. Grupi hetimor po punon për identifikimin e autorëve.
Një ngjarje e tillë ndodh pikërisht gjatë fushatës elektorale kur na ndajnë rreth 1 muaj nga zgjedhjet.
Kjo nuk është hera e parë që zyrat e partive sulmohen, pasi një gjë e tillë ndodhi pak kohë më parë edhe në Shkodër, ku u sulmua zyra e PS-së nga disa të rinj.
Njoftimi i policisë:
Sot rreth orës 03:00, në lagjen “1 Maj” Fier, në rrugën “Jani Bakalli” dhe pranë poliklinikës, nga ana e shërbimeve të Policisë së rendit, janë konstatuar të dëmtuara me gur dy xhama të zyrave elektorale të dy subjekteve politike.
Grupi hetimor po kryen veprimet për zbardhjen e rrethanave të ngjarjes dhe identifikimin e autorëve.