Gjykata e Shkodrës ka dhënë masën “arrest me burg” për Milkjor Gjokën, i dyshuar si bashkëpunetor në vrasjen e shtetasit Ridvan Ramazanit në fshatin Mushan të njësisë Dajç.
Bëhet me dije se gjykata ka vendosur detyrim paraqitje për Blerim Mllojan dhe Marjeta Gramshin të cilët akuzohen për moskallëzim krimi.
Mësohet se në gjykatë Milkjor Gjoka ka deklaruar se ai s’ka lidhje me vrasjen e ndodhur dhe se ndodhej rastësisht në vendin e ngjarjes.
Gjoka së bashku me vëllezërit Duel dhe Hydajet Mehmedaj janë autorë të dyshuar të ngjarjes së shënuar ditën e djeshme në fshatin Mushan të Dajcit.
Vëllezërit Mehmedaj janë shpallur në kërkim nga policia. Nga veprimet hetimore dyshohet se këta shtetas, në bashkëpunim me njëri-tjetrin, në afërsi të një pike karburanti, në fshatin Mushan, Shkodër, kanë vrarë me armë zjarri në mjetin e tij, Ridvan Ranmazanin, 46 vjeç, pas një konflikti të ndodhur midis palëve disa orë para ngjarjes.