Hapësire reklamuese

Politikë

“Nuk ka ndonjë meritë për ndonjë gjë të madhe”, gazetari i njohur për Bashkim Finon: Ishte i pakorruptuar, s’i bëri keq këtij vendi

Shkruar nga Newsbomb
“Nuk ka ndonjë meritë për ndonjë gjë të

Mësazhe të shumta ngushëlluese kanë pushtuar sot mediat dhe rrjetet sociale, nga personalitete të njohura për ndarjen e parakohshme nga jeta të politikanit Bashkim Fino.

Një prej tyre është edhe gazetari i njohur Mentor Kikia, megjithëse ai si pask të tjerë ka vendosur të shkruajë edhe atë që Fino nuk e bëri. Sipas Kikias, Fino ishte një njeri babaxhan, fisnik dhe plot humor.

“…ai ishte gjithashtu edhe nga të paktët zëra që guxonte të thoshte ndonjë fjalë edhe kundër projektligjeve të partisë së tij, kur të tjerët ngrinin thjeshtë kartonat e votonin kokëulur, edhe kur mendonin ndryshe”, shprehet Kikia teksa shton se përveç se s’ishte i korruptuar, Bashkim Fino nuk ka ndonjë meritë për ndonjë gjë të madhe që është bërë në këtë vend.

Shkrimi i plotë:

Cili ishte “heroizmi” i Bashkim Finos në politikën shqiptare?

PS dhe PD e ndërprenë fushatën sot për të nderuar largimin nga kjo jetë të Bashkim Finos, një politikan prej 23 vjetësh. Por çfarë ka Bashkim Fino, që i bëri bashkë në këtë heshtje të githa palët, dhe të gjithë shprehen ngushëllimet për të? Madje, në rrjetet sociale, askush nuk “gjeti” të thotë një fjalë të keqe.

Ata që e kanë patur mik të ngushtë, e mbajnë mend për një njeri babaxhan, fisnik dhe plot humor.

Përtej kësaj, cili ishte kontributi i tij në politikë?

Përveçse ishte kryeministri i Pajtimit Kombëtar, në 1997, ai ishte gjithashtu edhe nga të paktët zëra që guxonte të thoshte ndonjë fjalë edhe kundër projektligjeve të partisë së tij, kur të tjerët ngrinin thjeshtë kartonat e votonin kokëulur, edhe kur mendonin ndryshe.

Por, a ishte zoti Fino “heroi” i politikës sonë?

Padyshim që jo!

Bashkim Fino nuk ka ndonjë meritë për ndonjë gjë të madhe që është bërë në këtë vend. Ndonjë ligj apo nismë “revolucionare” për shoqërinë dhe demokracinë tonë, nuk mban firmën e tij. Politika shqiptare nuk ka patur deri tani një Linkoln, një Çhurçhill apo një Merkel.

Por, Bashkim Fino, nuk ishte një njeri korruptuar.

Bashkim Fino nuk ishte një njeri konfliktual, as agresiv.

Pra, ai ishte më i mirë se të tjerët, sepse ai nuk ishte i keq, ose më saktë, ai nuk i bëri keq këtij vendi. Dhe, në një parlament, ku shumica hyjnë për të zhvatur, ku shumica shesin kartonin për tendera e koncensione, të mos bësh keq, duket gjithësesi një heroizëm.

Dhe për këtë unë mendoj se Fino ia vlet të respektohet.

Lexo gjithashtu

Sondazh

Gazetari Eduard Ilnica është dhunuar barbarisht mbrëmjen e së hënës nga disa persona. Për shkak të një shkrimi botuar në gazetën lokale për ekipin e Kastriotit.

Sakaq, ka reaguar demokrati Genc Pollo që akuzon qeverinë për mosmarrje dënimi apo solidarizim për rastin në fjalë.

Pollo thotë se liria e shtypit ka rënë poshte.

“Edhe një gazetar tjetër i dhunuar barbarisht pasi bëri detyrën, raportoi për dhunën në stadium. Në mes të Tiranës! Asnjë dënim apo solidarizim nga qeveria, ministri i Brendshëm, i Sportit. Si dhe më parë. Liria e shtypit poshtë”, shprehet deputeti në një deklaratë për mediat.