Ish-deputetja e Partisë Demokratike, Grida Duma ishte e ftuar pasditen e sotme në ‘E Diell’.
Ajo ka folur për përkthimin e librit ‘Princesha duke dalë nga errësira’ nga autorja Jean Sasson.
Ndër të tjera, Grida, e pyetur për raportin që ka me paratë dhe jetën e luksit u shpreh: ‘Nuk bëj jetë luksi, të paktën im bir nuk e njeh çfarë do të thotë jetë luksi. Ai ka marrë gjithmonë dhe ka gëzuar teknologjinë që lë unë, nuk ka marrë njëherë një telefon të ri’.
Teksa djali i saj çdo ditë hedh shtat dhe ka hyrë në fazën e adoleshencës, Duma tregon se atij ka filluar t’i pëlqejë palestra dhe se nuk rri tërë kohës me iPad në dorë. Si çdo nënë, edhe Grida ka filluar ta përjetojë emocionalisht rritjen e tij.
‘Më janë shtuar frikërat që po afrohen vitet që unë do të jem shumë më vetëm pa të’, ka shtuar ajo.