Kayleigh McEnany, zëdhënësja e re e shtypit në Shtëpinë e Bardhë ka premtuar se nuk do të gënjëjë kurrë.
McEnany siguroi gazetarët se ajo kurrë nuk do t'i gënjejë ata, duke shtuar se ka planifikuar të mbajë më shumë konferenca për shtyp në të ardhmen.
“Unë nuk do t’ju gënjej kurrë. Keni fjalën time për këtë”, është shprehur McEnany.
Sipas 'BBC' Kayleigh McEnany është personi i katërt që mban këtë rolin qëkur Presidenti Donald Trump mori detyrën në 2017.
Paraardhësit e saj, duke përfshirë Sean Spicer dhe Sarah Huckabee Sanders, ishin akuzuar më herët për mashtrim të qëllimshëm ndaj shtypit.