Kryeministri Edi Rama dhe ministri i Shtetit për Rindërtimin, Arben Ahmetaj kanë vizituar sot qytezën e Thumanës, një prej zonave të goditura më rëndë nga tërmeti i 26 nëntorit.
Në Thumanë do të ndërtohen nga e para një sërë godinash si banesa, shkolla, parqe dhe ambulancë. Ministri Ahmetaj tha se investimi në këtë zonë është i përbashkët, mes shtetit që ndërton infrastukturën e duhur dhe fondacionit Firdeus. Edhe fondacioni i Behgjet Pacollit ka kontribuuar në rindërtimin e kësaj zone.
“Mbreslënëse puna në kantierin e Rilindjes së Thumanës për banesat individuale, infrastrukturën rrugore, pallatet, shkollën, kopshtin, ambulancën, njësitë e shërbimeve publike si edhe qendrën e re komunitare së bashku me terrenet sportive e parqet”, shkruan ministri Ahmetaj.