Një biznesmen grek është ekzekutuar për vdekje sot në Zakynthos. Mediet greke raportojnë se mbi Dionysis Korfiatis u derdhën 20 plumba, ndërsa ndodhej në një zyrë kontabiliteti.
Vitin e kaluar biznesmenit iu bë një tjetër atentat, ku 54 vjeçari arriti të shpëtonte, por gruaja e tij Christina Kloutsinioti, mbeti i vdekur nga plumbat që mori nga atentatorët.
Sipërmarrësi 54-vjeçar disa vite më parë u dënua me 4 vite burg nga Gjykata e Apelit në Patra, pasi policia gjeti armë dhe disa materiale të tjera të paligjshme në shtëpinë e tij, të cilat kishin lidhje me me aktivitetet e disa shqiptarëve të akuzuar për grabitje në ishullin e Zakynthos.
Sipas raportimit të “Newsbomb.gr”, policia gjeti të djegur makinën që përdorën autorët e krimit, bashkë me armën, e cila mendohet se është kallashnikov.
Më parë viktima kishte bërë akuza në lidhje me grupet mafioze në Zakynthos dhe korrupsionin në Policinë Greke. Biznesmeni 54-vjeçar zotëronte një hotel dhe një anije turistike në zonën e Laganas.