Një i ri shqiptar është dënuar me 27 muaj burg nga një gjykatë në Britaninë e Madhe pasi u kap duke kultivuar kanabis në një banesë.
Aksioni i policisë britanike u realizua gjatë karantinës së pandemisë në Rotherham, ku agjentët zbuluan banesën e mbushur me bimë kanabisi dhe pajisje për kultivimin e tyre.
Ardjan Allushi tentoi të arratisej duke u hedhur nga dritarja por policia arriti ta arrestojë në rrugë.
Avokati mbrojtës tha në seancën gjyqësore se Allushi kishte mbërritur në Britani me shpresën për të punuar si berber, por kur pandemia e koronavirusit nisi, ai e humbi këtë mundësi dhe u përfshi me disa persona të tjerë të cilët e rekrutuan si fermer kanabisi.
24-vjeçari shqiptar pranoi përfshirjen e tij, ndërsa gjykatësi e dënoi me 27 muaj burg.
Sondazh
Lexo gjithashtu
