Tirana
broken clouds
3.5 ° C
3.5 °
3.5 °
75 %
3.6kmh
75 %
Enj
11 °
Pre
12 °
Sht
11 °
Die
10 °
Hën
5 °
E enjte, 2 Shkurt, 2023

Një italian në krye të OSBE, Guido De Sanctis drejton nga sot zyrën në Shqipëri

spot_img

Lajme të ngjashëm

Ambasadori Guido De Sanctis, është emëruar nga sot në krye të zyrës së OSBE në vendin tonë. Njoftimi i rëndësishëm vjen nga vetë Prezenca e OSBE, teksa jepet dhe një biografi e shkurtër e diplomatit të lartë europian që vjen në Shqipëri.

“Jam i lumtur t’i bashkohem Prezencës në Shqipëri dhe të çoj përpara marrëdhëniet e shkëlqyera mes Prezencës dhe vendit pritës”, ka thënë ambasadori De Sanctis.

Ambasadori i ri është diplomat karriere i Ministrisë së Jashtme dhe të Bashkëpunimit Ndërkombëtar të Italisë. Përpara se të emërohej Kryetar i Prezencës, ai ka qenë zëvendësambasador në ambasadën e Italisë në Moskë.

Nga viti 2013 deri më 2017, ai shërbeu si ambasador i Italisë në Katar dhe nga viti 2011 deri më 2013, si konsull i përgjithshëm i Italisë në Benghazi të Libisë. Gjithashtu, ai ka shërbyer në ambasadat italiane në Tripoli, Bernë dhe Kiev.

Dy vitet e fundit këtë detyrë që e ka marrë nga sot, 1 dhjetor 2022, Guido De Sanctis e ka mbajtur ambasadori italian Vincenzo Del Monaco.

Misioni i Prezencës së OSBE është të ndihmojë Shqipërinë në zhvillimin e institucioneve efektive demokratike dhe të promovojë shtetin e së drejtës dhe të drejtat e njeriut në vend. Këtë e bën nëpërmjet një sërë iniciativash për reforma ligjore dhe administrative; aktivitete që synojnë luftimin e korrupsionit dhe trafikimit; dhe programe për zhvillimin e medias në vend, mbështetjen e shoqërisë civile dhe trajnimin e zyrtarëve të policisë dhe doganave.

Ish-kryetarët e Prezencës së OSBE-së në Shqipëri

  • 2020-2022: Vincenzo Del Monaco (Itali)
  • 2016-2020: Bernd Borchardt (Gjermani)
  • 2013-2016: Florian Raunig (Austri)
  • 2010-2013: Eugen Wollfarth (Gjermani)
  • 2007-2010: Robert Bosch (Holandë)
  • 2004-2007: Pavel Vacek (Republika Çeke)
  • 2002-2004: Osmo Lipponen (Finlandë)
  • 1999-2002: Geert-Hinrich Ahrens (Gjermani)
  • 1997-1999: Daan Everts (Holandë)

Më shumë


spot_img









spot_img