Hapësire reklamuese

Rajoni

Nisin zyrtarisht mandatin kryetarët e komunave veriore në Kosovë

Shkruar nga Newsbomb

Kryetarët e zgjedhur në katër komunat e veriut të Kosovës, Mitrovicë Veriore, Leposaviq, Zubin Potok dhe Zveçan, në mbledhjet solemne të kuvendeve komunale, të mërkurën, kanë kryer betimet solemne dhe zyrtarisht kanë nisur detyrat zyrtare.

 

Kryetari i Mitrovicës Veriore, njëherësh edhe lider i partisë Lista Serbe, Goran Rakiq, ka nisur mandatin e tij duke e konsideruar këtë pozitë si oligim të madh.

“Ky është një obligim i madh, jo vetëm për mua, por i të gjithë juve që jeni në Kuvend, që të jemi edhe më të mirë në punën që bëjmë dhe të shënojmë përparim në jetët e bashkëqytetarëve tanë, para së gjithash, që të jetojnë të qetë dhe t’iu ndihmojmë në çdo aspekt’, ka thënë Rakiq, pas dhënies së betimit solemn.

Kryetarët e katër komunave veriore të Kosovës, kanë fituar garën zgjedhore për të parët e këtyre komunave, në zgjedhjet që u mbajtën më 19 maj të këtij viti, shkruan rel, transmeton Newsbomb.al. 

Këto zgjedhje kanë pasuar dorëheqjet e kryetarëve të këtyre komunave, më 26 nëntor të vitit të kaluar, në shenjë proteste ndaj vendimit të Qeverisë së Kosovës për vendosjen e taksës 100 për qind në importet e Serbisë dhe Bosnjës.

Kjo taksë njëherësh është përdorur edhe si arsyetim nga presidenti i Serbisë, Aleksandar Vuçiq për mosvazhdim të dialogut mes Kosovës dhe Serbisë, që zhvillohet me ndërmjetësim të Bashkimit Evropian në Bruksel.

Kryeministri i Kosovës, Ramush Haradinaj ka insistuar se kjo taksë do të mbetet në fuqi derisa Serbia të njohë shtetësinë e Kosovës.

Lexo gjithashtu

Sondazh

Gazetari Eduard Ilnica është dhunuar barbarisht mbrëmjen e së hënës nga disa persona. Për shkak të një shkrimi botuar në gazetën lokale për ekipin e Kastriotit.

Sakaq, ka reaguar demokrati Genc Pollo që akuzon qeverinë për mosmarrje dënimi apo solidarizim për rastin në fjalë.

Pollo thotë se liria e shtypit ka rënë poshte.

“Edhe një gazetar tjetër i dhunuar barbarisht pasi bëri detyrën, raportoi për dhunën në stadium. Në mes të Tiranës! Asnjë dënim apo solidarizim nga qeveria, ministri i Brendshëm, i Sportit. Si dhe më parë. Liria e shtypit poshtë”, shprehet deputeti në një deklaratë për mediat.