Hapësire reklamuese

Politikë

Nishani me biznesin: Ecuria juaj garanton prosperitet

Shkruar nga Newsbomb

Presidenti i Republikës, Bujar Nishani zhvilloi mbrëmjen e të premtes një takim me përfaqësues të komunitetit të biznesit e institucioneve në vend.

Funksionimi korrekt i marrëdhënies shoqëri-biznes, tha ai, mundëson funksionimin e qëndrueshëm, garanton prosperitetin e një vendi. “Nuk mund të ketë mirëqenie e prosperitet, kulturë, art as diplomaci e mbrojtje pa një biznes të fuqishëm”, tha Kreu i Shtetit, Nishani.

Ai vuri në dukje se biznesi shqiptar e ka nisur punën e tij pa asnjë trashëgimi, realisht nga zeroja, ndërsa falenderoi në emër të shqiptarëve,  ata që nuk u tërhoqën përballë sfidave të mëdha.

“Biznesi i sotëm shqiptar është i vetmi në historinë e planetit që nisi nga gjendja absurde e paradoksale, me një pronë që njëkohësisht i përkiste gjithkujt e në të vërtet askujt”, iu drejtua Presidenti të pranishmëve, ndërsa i ftoi ata të investojnë, në mënyrë që të kontribuojnë në mirëqenien e shoqërisë.

U desh guxim e iniciativë, vijoi Nishani fjalën e tij, për të nisur biznes, suksesi i të cilit tashmë është një realitet që shihet lehtë në shoqërinë tonë. “Falë jush, forcës suaj, biznesi shqiptar tashmë ka një histori, modeste, por historia e përvoja janë garanci për të ardhmen”, tha ai.

Kreu i Shtetit evidentoi se gjendja e biznesit në vendin tonë nuk është rozë, por shtoi ai, nuk është as e zezë. Ai inkurajoi përfaqësuesit e biznesit të vijojnë përpjekjet pa u ndalur drejt më së mirës. “Ska tregues më të mirë për një shtet se sa ecuria e biznesit”, deklaroi ai.

Lexo gjithashtu

Sondazh

Gazetari Eduard Ilnica është dhunuar barbarisht mbrëmjen e së hënës nga disa persona. Për shkak të një shkrimi botuar në gazetën lokale për ekipin e Kastriotit.

Sakaq, ka reaguar demokrati Genc Pollo që akuzon qeverinë për mosmarrje dënimi apo solidarizim për rastin në fjalë.

Pollo thotë se liria e shtypit ka rënë poshte.

“Edhe një gazetar tjetër i dhunuar barbarisht pasi bëri detyrën, raportoi për dhunën në stadium. Në mes të Tiranës! Asnjë dënim apo solidarizim nga qeveria, ministri i Brendshëm, i Sportit. Si dhe më parë. Liria e shtypit poshtë”, shprehet deputeti në një deklaratë për mediat.