Kryetari i Këshillit Kombëtar të Partisë Demokratike, Bujar Nishani thotë se Basha është përgjegjësi kryesor për dështimin e projektit për të kthyer opozitën në pushtet.
Nishani tha në “Live Cim Peka”, se Partisë Demokratike i duhet një model i ri për të mundur Edi Ramën.
“Rama nuk ndryshon. Unë nuk po them që e keqja e këtij vendi është Lulzim Basha, por është Edi Rama.
Lulzim Basha është përfaqësuesi i një projekti që sot është i pamundur për të rrëzuar Ramën, i pazoti me këtë model që përfaqëson.
Pra duhet një model i ri për ta mundur Edi Ramën.
Po nesë do çohen në kutitë e votimit 56 përqind e shqoptarëve do ta mundim çdo bandë të Ramës. Ky është dështimi. Dhe ky projekt i Bashës që ka 8 vite që e paraqet, edhe 20 vite të jetë, nuk do i realizojë dot ëndërrat e shqiptarëve”, tha Nishani.