Aksidentohet me makinë kreu i BDI-së, Ali Ahmeti. Makina e tij është përplasur me një shtyllë betoni në autostradën Tetovë- Shkup. Fatmirësisht nuk ka patur lëndime të rënda për kreun e BDI-së, por vetëm disa lëndime të lehta. Bëhet me dije se me lëndime më të rënda ka dalë shoferi i makinës së tij.Të dy janë dërguar menjëherë në spital.
Mësohet se kryetari i BDI ishte nisur drejt Shkupit për t’u takuar me kryetarin e Parlamentit të Shqipërisë, Ilir Meta, i cili ndodhet për një vizitë zyrtare në Maqedoni. Ata do të ndiqnin me makinë itinerarin nga Gostivari, për t’u takuar në Reçicë me kryeparlamentarin Meta.