Teksa garda përleshet jashtë Kuvendit me deputetët e opozitës, kryetarja e Kuvendit Lindita Nikolla nisi sot seancën e radhës parlamentare.
Por Kuvendi është pothuajse bosh, pasi në sallë ndodhen vetëm deputetët e mazhorancës, karriget e opozitës janë bosh, siç duket edhe nga pamjet.
Në seancën e sotme plenare është edhe kryeministri i Shqipërisë Edi Rama.
Ndërkohë, tensione janë duke u zhvilluar në hyrje të Kuvendit, ku deputetët e opozitës janë përplasur me Gardën e Kuvendit. Deputetët e opozitës të cilët janë të përjashtuar nga Komisioni i Etikës kërkojnë që të hyjnë në seancën plenare.
Gazment Bardhi, Flamur Noka, Dashnor Sulo janë disa nga deputetët që shtyhen me Gardën për tu future në Kuvend. Madje nuk ka munduar dhe përleshja mes deutetëve dhe Gardës.
“Zoti terrorist me kollare, hap rrugën. Distancohuni nga kjo rrugë”, janë disa nga thirrjet e deputetëve drejt Gardës.
Kujtojmë që 19 deputetë të Partisë Demokratike janë përjashtuar nga Komisioni i Etikës për shkak të temsioneve që kanë shkaktuar në Kuvend apo në Komisionet parlamentare.
Është përjashtuar për 20 ditë deputeti Ervin Salianji dhe 10 ditë për 18 deputetë të tjerë; Albana Vokshi, Sorina Koti, Elda Hoti, Lindita Metaliaj, Isuf Çela, Tritan Shehu, Lefter Gështenja, Helidon Bushati, Xhelal Mziu, Edmon Spaho, Oerd Bylykbashi, Ervin Salianji, Saimir Korreshi, Kasëm Mahmutaj, Ramadan Likaj, Kastriot Piroli, Qani Xhafa, Lodovik Hasani dhe Luan Baçi.
Sondazh
Lexo gjithashtu
