Protestuesit i kanë kërkuar kryeministrit Edi Rama të shkarkojë dy ministrat, të Turizmit dhe atë të Brendshëm, në ditën e dytë të protestës për vdekjen e 7-vjeçares në plazhin e Himarës, pasi u godit nga skafi në breg të detit.
Qindra qytetarë janë mbedhur pranë Ministrisë së Brendshme duke kërkuar dorëheqjen e Mirela Kumbaros dhe Bledi Çuçit.
Protesta ka mbështetjen e dy partive të mëdha opozitare Partia Demokratike dhe Partia e Lirisë, por është e paqartë nëse drejtuesit e këtyre forcave politike Sali Berisha dhe Ilir Meta do të marrin pjesë në protestë, ashtu siç bënë në ditën e parë të saj.