Një 57-vjeçar nga fshati Veterrik në Berat ka rrezikuar të mbytet nga prurjet e shumta të lumit Osum. Ai ka qenë duke punuar tokën, teksa prurjet e lumit kanë mbuluar zonën dhe ai nuk ka mundur që të dalë e ka mbetur i bllokuar në mes të ujit.
Kanë qenë ekipi i forcave zjarrfikse, të cilat i kanë ardhur në ndihmë Fuat Toptanit, duke bërë të mundur nxjerrjen e tij nga lumi, raporton Abc News.
Gjatë momentit që zjarrfikësit ndihmuan 57-vjeçarin, shiu nuk është ndalur asnjë minutë, duke vështirësuar punën, por edhe duke rrezikuar jetën e tyre.