Gjatë 24 orëve të fundit policia e Beratit ka arrestuar pesë persona, për vepra të ndryshme penale, ndëkohë një proçedohet në gjendje të lirë.
Ky aksion ka filluar që ditën e djeshme dhe është finalizuar sot në mbrëmje. Në thelb ky operacion ka pasur si qëllim mbajtjen në kontroll të situatës kriminale dhe rendit publik në vend, dhe kapjen e personave me në kërkim.
Policia e Beratit ka kontrrolluar në 24-orët e fundit 264 automjete dhe ka ushtruar kontrroll fizik në 340 shtetas. Në prangat e policisë kanë rënë shtatasit: D.T,i cili u kap me disa doza me kokainë dhe cannabis sativa në automjetin e tij.
A.H dhe K.H,që u kapën duke drejtuar motoçikletat pa leje drejtimi, L.V,që ishte shpallur në kërkim për veprën penale “Dhuna në familje” dhe K.K,pasi ishte me masën e sigurimit “arrest në shtëpi” dhe gjatë kontrrolleve u kap nga shërbimet e Policisë në një lokal.
Gjithashtu,policia ka proceduar penalisht edhe shtetasin E.H,pasi gjatë kontrollit i’u gjet një dorezë metalike.