Tre studiues të njohur të polifonisë: profesor Bardhosh Gaçe, profesor Shaban Sinani dhe studiuesi Sejmen Gjokoli “Mjeshtër i Madh” për dy ditë ndoqën festivalin “Netët e Bejkës së Bardhë” në edicionin e dytë të tij, mbajtur në Pilur të Himarës në datat 5 e 6 qershor.
Grupet polifonike nga të gjitha trevat morën pjesë në festival ku pati një pjesmarrje të madhe të atyre që kishin udhëtuar nga vende të ndryshme të vendit, dhe nga Tirana, për të qenë present në këtë festival.
Vlora, Gjirokastra, Tepelena, Mallakastra, Gramshi dhe Bashkia e Himarës patën grupet e tyre në festival.
Një përshëndetje speciale erdhi nga Ragmi Mustafa, që kishte udhëtuar direkt nga Presheva, për të sjellë në vendin e polifonisë, tre kumbulla të kuqe, të mbjella në kujtim dhe nderim të princit të polifonisë, Lefter Cipa, ndarë nga jeta në 18 shkurt të këtij viti.
Këtë vit Festivali ishte si një homazh edhe për ideatorin dhe njeriun që e ktheu Pilurin në një pikë të rëndësishme të identitetit të polifonisë shqiptare, poetin e rapsodin e madh, birin e këtij fshati ballkon të Bregut, Lefter Çipa " Nder i Kombit".
Në mbyllje të Festivalit, juria ndau këto vlerësime:
ÇMIME TË MËDHA
1. Çmimi i parë " Lefter Çipa", grupi i Pilurit, Himarë
2. Çmimi i dytë " Kujtim Mici", grupi i Bënçës, Tepelenë
3. Çmimi i Tretë " Koço Çakalli", grupi " Argjiro", Gjirokastër
ÇMIME KARIERE
4. Çmimi " Maliq Lila", grupi "10 Shqiponjat", Tërbaç, Vlorë
5. Çmimi " Haxhi Dalipi", grupi Zagoria, Gjitokastër
6. Çmimi " Feti Brahimi", grupi " Miqësia", Gramsh
DIPLOMA
7. Marrësi/a më i/2 mirë e festivalit: Bejushe Bajramaj, grupi Velçë
8. Kthyesi më i mirë, Syrja Brahimaj, grupi Dukat
9. Hedhësi më i mirë, Agron Selimi, grupi Bënçë
ÇMIME INKURAJUSE
10. Joana Baraj, grupi Kuçit
11. Fjorelo Bajramaj, Tërbaç
12. Polikron Mërkuri, Pilur