Hapësire reklamuese

Aktualitet

Nëna e katër fëmijëve piu fostoksinë, burri: Fotot i shpërndante kushërira

Shkruar nga Newsbomb
Nëna e katër fëmijëve piu fostoksinë, burri: Fotot i

Bedrie Loka, një 41 vjeçare me banim në fshatin Vadardhë i Sukthit, i ka dhënë fund jetës me fostoksinë tre ditë më parë. Shkak janë bërë disa fotografi të saj të shpërndara në rrjetin social "Tik Tok", me montazh dhe me shënime denigruese.

Bashkëshorti i viktimës ka thënë në dëshminë e tij në Policinë e Durrësit, se bashkëshortja ishte në ankth dhe stres ditët e fundit për shkak të fotografive të saj që shpërndahenin në llogari false.

Sipas shtetasit Xhemal Loka, materiealet ishin shpërndarë për herë të parë një vit më parë dhe gruaja kishte bërë kallëzim penal në Policinë e Durrësit, por deri ditën që ajo ndërroi jetë nuk ishte marrë asnjë masë.

Ndërkohë, ditë më parë të njëjtat fotografi dhe shkrime denigruese janë publikuar sërish nga një llogari po false, por pas shqetësimit të ngritur nga media ato janë fshirë.

Më datë 2 Janar, Bedrie Loka është gjetur e pajetë në mes të dhomës së gjumit nga bashkëshorti i saj. Xhemal Loka ka treguar para hetuesve se e ka dërguar 41 vjeçaren me urgjencë në Spitalin e Durrësit, por atje e kanë njoftuar se ajo kishte pirë fostoksinë.

Nga dëshmia e këtij të fundit, është mësuar se personi që krijonte llogari false në rrjetet sociale për Bedrie Lokën ka qenë pikërisht kushërira e saj. Motivet nuk dihen, por bashkëshorti i viktimës ka thënë se e kanë zbuluar personin që qëndronte pas shpërndarjes së fotove.

Ndërkohë, djali i 41 vjeçares ka thënë se nëna ishte shprehur disa herë se do të vriste veten, për shkak të gjendjes së rënduar. Bedrie dhe Xhemal Loka kanë katër fëmijë, tre djem dhe një vajzë të moshave 21 vjeç,18 vjeç,16 vjeç dhe 10 vjeç.

Sondazh

Poll

Lexo gjithashtu

Hapësire reklamuese