Të gjithë e mbani mend Entela Buzin, nënën e dy fëmijëve nga fshati Kallm i Fierit e cila lutej e qante për një thes miell që t’u gatuante bukë të vegjëlve të saj.
Ashtu mes lotësh e dhimbjes së tejskajshme nga varfëria e madhe, Entela rrëfeu ka se ka tentuar të mbytet dy herë, por kanë qenë fëmijët që e kanë kthyer nga rruga.
Historia preku mbarë shqiptarët dhe nuk mund të mos binte në sy të Elvis Naçit i cili bashkë me Sidrit Bejlerin e stafin e “Shqiptarët për Shqiptarët”, kanë shkuar ta takojnë nënën e dy fëmijëve për të parë nga afër gjendjen e saj.
Jo vetëm kaq... Elvis Naçi i ka premtuar nënës së dy fëmijëve një shtëpi të re.
“Vizituam Familjen e Entela Buzit në Kallm të Fierit ku mësuam mes lotëve hallet e kësaj Familje, ajo kishte një toke ku do t'i ndertojmë një Shtëpi dhe do të shikojme hallet shëndetësore që ata kane! I Madhi Zot na shperblefte të gjithëve”, shkruan Elvis Naçi!