Gazment Bardhi pritet që ditën e sotme të mbledhë deputetët e opozitës, atë të grupit të tij dhe të Sali Berishës.
Në këtë takim pritet që Bardhi të njoftojë kolegët për marrëveshjen e arritur me kreun e grupit parlamentar të PS Blendi Çuçi në lidhje me Komisionin e posaçëm të Reformës Zgjedhore.
Çështja më e rëndësishme për PD e drejtuar nga Sali Berisha është Reforma Zgjedhore dhe prej 5 muajsh deputetët demokratë kanë bllokuar parlamentin duke kërkuar shkarkimin e Enkelejd Alibeajt dhe zgjedhjen e Oerd Bylykbashit në postin e bashkëkryetarit të komisionit të posaçëm të reformës zgjedhore.
Por komisionit i mbaron mandati të enjten e ardhshme dhe socialistët kanë vendosur të mos e zgjasin duke i dhënë fund debatit se kush përfaqëson opozitën në këtë komision.
Burime për mediat bëjnë me dije se ka dakordësi mes dy kampeve që reforma te realizohet nga komisioni i ligjeve, me saktësisht nga një nënkomision i ngritur nga ligjet ku PD e PS të kenë numër të barabartë përfaqësuesish dhe ky mekanizëm është i pranueshëm për të dy palët.
Në lidhje me kërkesat e PD për ngritjen e Komisioneve Hetimore, është rënë dakord që nga 8 kërkesat e depozituara nga opozita të ngrihen dy komisione pasi të rishikohet objekti i tyre. Konferenca e kryetareve zhvillohet sot pas kontributit të ambasadorëve të BE dhe Britanisë se Madhe.
Sondazh
Lexo gjithashtu
