Zëvëndës kryeministri Arben Ahmetaj në nisje të sezonit të ri politik ka falenderuar të gjithë qytetarët të cilët i besuan votën e tyre për një mandate të tretë qeverisës.
Përmes një postimi në rrjetet sociale Ahmetaj në veçanti i ka shprehur mirënjohje votuesve të Njësisë Nr. 4 në Tiranë dhe 11,287 qytetarëve në Tiranë të cilët i besuan përfaqësimin e tyre në Kuvendin e Shqipërisë.
Vota e tyre sipas Ahmetajt është një gur më shumë kontributin për ndryshimin edhe modernizimin e Shqipërisë.
“Në fillimin e një stine të re politike për Shqipërinë, dua të ndaj një falenderim të veçantë për të gjithë votuesit që na besuan privilegjin dhe përgjegjësinë e jashtëzakonshme, si asnjëherë tjetër më parë me një mandat të tretë radhazi, për të ndërtuar mbi reformat e nisura dhe çuar përpara projektin për Shqipërinë 2030!
Një falenderim i posaçëm nga zemra për 12,627 votues të Njësisë Nr. 4 në Tiranë që zgjodhën Partinë Socialiste dhe 11,287 votues të Tiranës që më besuan përfaqësimin e tyre në Kuvendin e Shqipërisë. Mirënjohje për gjithësecilin prej jush, që me votën tuaj vendosët një gur më shumë në kantierin e reformave transformuese për të garantuar mirëqenie për të gjithë, modernizimin për zhvillim, një Shqipëri të fortë Europiane dhe një të ardhme të sigurt për fëmijët e të rinjtë e vendit tone”, shkruan Ahmetaj.