Tirana
overcast clouds
8.5 ° C
8.5 °
8.5 °
66 %
3.1kmh
90 %
Enj
13 °
Pre
15 °
Sht
12 °
Die
13 °
Hën
11 °
E mërkurë, 1 Dhjetor, 2021
spot_img

“Në nëntor nisin punimet për aeroportin e Vlorës”, Balluku: Do të jetë më i madhi në Shqipëri

spot_img
spot_img
spot_img

Lajme të ngjashëm

Ministrja e Energjisë dhe Infrastrukturës, Belinda Balluku ka bërë me dije se në muajin nëntor do të fillojë puna për ndërtimin e aeroportit të Vlorës.

Balluku tha se përveç aviacionit dhe transportit të pasagjerëve, ky aeroport do të mbulojë edhe shërbimet kargo dhe ato të mirëmbajtjes së avionëve duke i dhënë kështu këtij sektori një hov të ri.

“Besoj se kush punon në aviacion nuk punon vetëm për një pagë.  Në këtë sallë na bashkon pasioni dhe dashuria për aviacionin. Fakti që hapëm aeroportin e Kukësit. Ne ndërkohë që pandemia nuk kishte fund kishim nisur një garë ndërkombëtare për aeroportin më të madh ndërkombëtar në Shqipëri, atë të Vlorës, porta për në jug të vendit.

Pas shumë studimesh vendosëm të hapim këtë garë për të ngritur aeroportin më të madh ndërkombëtar në Shqipëri që nuk do të mbulojë vetëm fushën e aviacionit dhe transportit të pasagjerëve. Por edhe shërbimet kargo dhe ato të mirëmbajtjes së avionëve. Duke i dhënë këtij sektori një hov të ri. Pavarësisht se gara u shty disa herë për shkak të pamundësisë për të garuar. Kompania fituese ka deklaruar se në muajin nëntor do të fillojnë punimet në terren. Pra fillon kantieri nga ndërtimi”, u shpreh Balluku.

Gjithashtu ministrja shtoi se ky aeroport do të jetë më i madhi në Shqipëri dhe pavarësisht të gjitha vështirësive që ky sektor ka patur do të kthehet në nivelet që ka qenë më parë.

 “E njoh mirë këtë fushë dhe jam krenare që vij nga kjo fushë. Pandemia ka treguar se askush nuk është i paprekshëm nga ngjarje të paparashikueshme. Fatkeqësisht u vumë të gjithë në sprovë, e cila krijoi problematika jo të vogla dhe na tregoi sa e vështirë është të përballesh me mungesën e aviacionit. Të gjithë kuptuan rëndësinë.

E pamë me sytë tanë si është të mos ketë më aviacion se çdo të thotë që shtetet të mos lidhen mes tyre përmes ajrit dhe ç’do të thotë që pajisjet fluturuese të qëndrojnë në tokë. E kemi ndjerë këtë periudhë shumë. Sot të ulur në këtë tryezë.

Kemi arritur ta hapim vendin tonë gjatë këtij sezoni. Trafiku ajror ka tejkaluar edhe nivelet që kemi pasur. Kjo na bën shpresëplotë se duke punuar bashkë mund të arrijmë në nivelet ku ishim më parë. Kjo nuk na bën të harrojmë ato me të cilat u përballëm dhe vështirësitë duke nisur nga humbjet e mëdha në këtë fushë dhe impaktin në burimet tona njerëzore”, shtoi ajo.

spot_imgspot_img

Më shumë

spot_img
spot_img
spot_img
spot_img
spot_img