Tre gra, përfshirë një mike të kryeministres italiane Giorgia Meloni, humbën jetën ditën e djeshme, pasi një person i armatosur hapi zjarr në një lokal në Romë. Autoritetet vunë në pranga autorin 57 vjeçar, Claudio Campiti, pak pas krimit të rëndë.
Për ngjarjen tragjike ka reaguar edhe kryeministrja italiane, pasi një prej viktimave ishte mikesha e Melonit. Ajo shkruan se një prej grave, Nicoletta, ishte mikesha e saj dhe nënë e një djali 10 vjeç.
“Nicoletta ishte shoqja ime. Një nënë mbrojtëse dhe profesioniste. Ajo la pas bashkëshortin e saj Giovanni dhe një djalë të mrekullueshëm dhjetëvjeçar, Lorenzo. Me të janë shkatërruar familje të tjera, të cilave u shpreh gjithë afërsinë time. nuk është e drejtë të vdesësh kështu”, ka shkruar Giorgia Meloni.