Tirana
clear sky
34.5 ° C
34.5 °
34.5 °
36 %
2.6kmh
0 %
Hën
34 °
Mar
39 °
Mër
42 °
Enj
41 °
Pre
41 °
E hënë, 26 Korrik, 2021

Në makinën e pronarit të “THE BOSS”, gazetari vlonjat i del në mbrojtje policit: Njeri familjar e me halle plot, neutralizoi grabitësin e argjendarisë ditë më parë

spot_img
spot_img

Lajme të ngjashëm

Gazetari vlonjat Ergys Alushi i del në mbrojtje policit Granit Deromema, i cili ishte në makinë ditën e vrasjes së biznesmenit Bledar Birçajt në mes të Vlorës. Deromema ishte ulur në vendin e parë, por fatmirësisht iu shpëtoi plumbave.

“Unë nuk e di se si është gjendur Granit Deromemaj në makinën e ngjarjes së Vlorës, por di të sigurtë që Graniti është një polic i përkushtuar dhe i dashuruar me profesionin, një njeri i mirë, një familjar shembullor, me halle plot, ashtu si shumica e punonjësve të policisë”, shkruan Alushi, ndër të tjera.

Ai thotë se Granit Deromema nuk është agjent i antidrogës siçe paraqesin kolegët e tij të kronikës së zezë në Tiranë, por agjent krimesh. Madje, gazetari vlonjat zbulon se Granit Deromema është polici që neutralizoi autorine  grabitjes së argjendarisë pak ditë më parë në Vlorë.

Shkruan gazetari Ergys Alushi:

Unë nuk e di se si është gjendur Granit Deromemaj në makinën e ngjarjes së Vlorës, por di të sigurtë që Graniti është një polic i përkushtuar dhe i dashuruar me profesionin, një njeri i mirë, një familjar shembullor, me halle plot, ashtu si shumica e punonjësve të policisë .

Di të sigurtë se nuk është polic i sektorit të antidrogës, si e paraqesin gazetarët gjitholog të Tiranës,  por polic i sektorit të krimeve, i dalluar në punë, me orar dhe pa orar.

Di të sigurtë se është një nga dy policët që neutralizoi duke rrezikuar jetën grabitësin që vetëm pak ditë më parë tentoi të grabisë me armë në dorë një dyqan argjendarie në Vlorë.

Askush nuk i tha një “faleminderit” për veprimin, duke rrezikuar jetën.

Di të sigurtë se është një kryefamiljar që me vështirësi nxjerr muajin, bashkëshort i një mësueseje që me vështirësi gjeti punë në një shkollë fshati, pas një papunësie të gjatë, duke iu nënshtruar rregullit të portalit.

Di të sigurtë se nuk është i përfshirë në veprimtari antiligjore, sepse ka vendosur të jetë një polic i mirë, ndikuar dhe nga humanizmi dhe respektimi i ligjit që e karakterizon.

Të tjerat janë punë e hetimit, i cili nuk duhet të ndikohet nga legjendat dhe sajesat që krijojnë gazetarët e Tiranës nëpër studiot televizive, të cilët më shumë mendojnë për “imazhin e tyre profesional” sesa për të vërtetat që mund t’i gjenin kollaj në Vlorë, nëse do të dilnin jashtë qendrës së metropolit.

Më shumë

spot_img
spot_img