Kushtet e jashtëzakonshme atmosferike të ditëve të fundit, kanë sjellë ngricë dhe akull në rrugët e vendit duke vështirësuar kalimin e qytetarëve.
Për pasojë, në qytetin e Elbasanit, 31 persona kanë pësuar fraktura të rënda gjatë 24 orëve të fundit, 4 prej të cilëve janë nisur në spitalin e Traumës.
Pas marrjes së ndihmës së parë, disa nga qytetarët po vazhdojnë të marrin mjekim në shtëpi.
Bashkia e Elbasanit u ka bërë thirrje qytetarëve të tregohen të kujdeshëm dhe të shmangin lëvizjet e panevojshme.
Si rrallë herë në këto dekadat e fundit, rreth 95% e territorit të vendit mëngjesin e së dielës është zgjuar i mbuluar nga dëbora.
Sinoptikanët bëjnë me dije se kushtet e pazakonta të motit me vlera negative do të vazhdojnë deri ditën e premte.