Hapësire reklamuese

Politikë

Ndryshime në Ministrinë e Jashtme, diplomatja e lartë shkon Konsulle në Janinë

Shkruar nga Newsbomb
Ndryshime në Ministrinë e Jashtme, diplomatja e lartë shkon
Irida Laçi, drejtore e Departamentit për Evropën dhe Azinë Qendrore,  do të jetë Konsulle e re e Shqipërisë në Janinë. Diplomatja e lartë e Ministrisë së Jashtme është emëruar në Konsullatën e Përgjithshme të Shqipërisë në Janinë. Newsbomb.al mëson se Laçi duhet të lërë selinë diplomatike në Tiranë dhe do të zëvendësojë në postin e ri Konsullin aktual, Eltjon Verleni. Këto ndryshime në Ministrinë e Jashtme vijnë në një periudhë të papritur, pasi Irida Laçi gëzonte respektin e diplomatëve dhe ambasadorëve të huaj që janë akredituar në Tiranë, të cilët nuk i kanë kursyer falenderimet dhe lëvdatat për punën me të. "Irida Laçi jemi me fat që patëm një drejtore të tillë të përkushtuar dhe mendjemprehtë për Evropën në Ministrinë e Jashtme të Shqipërisë! Ndikimi i Komunikatës së Përbashkët që ju na ndihmuat të hartonim mbi marrëdhëniet Britani-Shqipëri për kryeministrat tanë është një testament i vërtetë. Greqia po fiton një diplomat shumë profesionist të postuar nga Shqipëria", shkruan ambasadori britanik Alastair King-Smith. Edhe ambasadorja e Polonisë në Shqipëri, nuk i kursen falenderimet për diplomaten e lartë shqiptare. Në një shënim publik, ajo shkruan: "E dashur Irida, do të mungosh shumë. Ishte një nder dhe një kënaqësi e vërtetë të punoja me ju. Faleminderit për miqësinë dhe mençurinë tuaj. Ju uroj gjithë të mirat në detyrat tuaja të reja dhe me të vërtetë shpresoj t'ju takoj përsëri diku nëpër botë!" Po ashtu, edhe vetë Irida Laçi ka nisur ditë më parë takimet me kolegët diplomatë dhe ambasadorë të vendeve mike të akredituar në Tiranë, duke i falenderuar ata për angazhimin për Shqipërinë dhe punën që kanë kryer së bashku, shkruan newsbomb.al. Ajo flet katër gjuhë të huaja, Anglisht, Gjermanisht, Italisht dhe Frëngjisht dhe mban titullin "Doktor i Shkencave" në Diplomaci dhe Marrëdhënie Ndërkombëtare të BE. © Newsbomb.al

Sondazh

Poll

Lexo gjithashtu

Hapësire reklamuese