Lumi “Osum” në qytetin e Beratit është ndotur sërisht me kimikate, ndërkohë që banorët kanë shprehur shqetësimin e tyre duke thënë se “era e keqe ndihet kudo, nuk rrimë dot afër lumit. Dikur lumin e përdornim për të bërë plazh, sot është në një burim epidemie për ne”.
Sipas tyre kjo situatë është shkaktuar nga shkarkimet e mbetjeve të fabrikave të lëkurës, të cilat ndodhen në periferi të qytetit. Dyshohet se këto fabrika pasi bëjnë pastrimin e lëkurave me një solucion të fortë kimik, i hedhin mbetjet në lumë, duke krijuar një shtresë të bardhë me erë të keqe.