Ish-kryeministri Sali Berisha festoi pak ditë më parë 75-vjetorin e lindjes ndërsa sot ka treguar edhe sekretin për një shëndet të mirë.
Berisha tha se sekreti i tij është kalitja dhe gjumi. Në emisionin “Zonë e Lirë”, ish-kryeministri tha se nuk e merr kurrë ashensorin, ndërsa gjumin e bën “top” për 6 deri në 7 orë në ditë.
“Ndjehem me parametrat fizik dhe mendor të 20 viteve më parë. Kalitja është sekreti, sot unë ngjis katin e katërt. Nuk marr ashensor asnjëherë. Aleati më i madh në jetën time ka qenë dhe mbetet gjumi. Ka veti shëruese dhe të mbulon gjithë ato lodhje, e bëj gjumin top. Gjashtë orë..deri në shtatë orë. Por edhe po të bëj tre orë nuk jam ai që zgjohet në mëgjes,” tha Berisha.