Ish-senatori republikan, Richard Lugar, ka vdekur sot në moshën 87-vjeçare.
Senatori nga Indiana kishte shërbyer në këtë pozitë nga viti 1977 deri më 2013. Richard Lugar njihet si mbështetës i çështjes së Kosovës dhe si përkrahës i bombardimeve të NATO-së kundër Serbisë.
Ai njihej si një senator autoritativ në politikën e jashtme amerikane.
Lugar në kohën kur ishte edhe kryetar i Komitetit për Politikë të Jashtme të Senatit amerikan, ishte një zë i fuqishëm kundër aparteidit në Afrikën e Jugut dhe armëve nukleare.