Mjeku i Papa Françeskut, Fabrizio Soçorsi, ka humbur jetën për shkak të Covid-19 në moshën 78-vjeçare.
Ai u shtrua në spital për shkak të një problemi onkologjik, por infektimi me koronavirus i mori jetën.
Papa e kishte zgjedhur atë si mjekun e tij personal që në vitin 2015.
Soçorsi lindi në 2 shkurt 1942 dhe u diplomua për mjekësi dhe kirurgji në Universitetin La Sapienza në 1968-ën.
Ai punoi si mjek dhe si profesor duke dhënë lëndën e imunologjisë.