Hapësire reklamuese

Aktualitet

Ndërroi jetë pas operacionit, familja e Iridës hap dyert e mortit

Shkruar nga Newsbomb
Ndërroi jetë pas operacionit, familja e Iridës hap dyert e mortit

28-vjeçarja Irida Hasalla, e cila humbi jetën  për shkak të komplikacioneve post operatore u përcoll sot për në banesën e fundit.

Burime për mediat bëjnë me dije se ceremonia e mortore u zhvillua në qytetin e Lushnjes. Familjarë dhe të afërm i dhanë sot 28-vjeçares lamtumirën e fundit.

Irida jetonte prej kohësh në Belgjikë, ku punonte në një restorant. E reja fatkeqe u largua nga Shqipëria, pasi babai i saj ndërroi jetë nga një atak kardiak. Irida kishte emrin e motrës që kishte ndërruar jetë para se ajo të lindte.

Spitali Amerikan sqaroi dje rastin e pacientes 28 vjeçare që ndërroi jetë pas operacionit

Spitali Amerikan në Tiranë doli dje me një deklaratë zyrtare për rastin e pacientes 28 vjeçare, Irida Hasalla, e cila ndërroi jetë për shkak të komplikacioneve post operatore.

Spitali thotë se është duke bashkëpunuar me institucionet ligjzbatuese, ndaj kërkon shmangie e keqinformimit të publikut nga persona që që nuk kanë informacion mbi situatën reale. Pacientja Irida Hasalla në datë 29 Janar ka kryer ndërhyrje kirurgjikale pranë Spitalit Amerikan, ndërhyrje rutinë e kryer me çdo detaj sipas protokollit mjekësor dhe profesional. Operacioni është kryer konform çdo standardi mjekësor, pasi janë kryer të gjitha kontrollet dhe analizat pre operatore të nevojshme, thotë deklarata.

Operacioni ka përfunduar me sukses dhe pa asnjë problem. Spitali Amerikan sqaron se më datë 30 Janar pacientja pësoi një përkeqësim të menjëhershëm nga një komplikacion post operator mjaft i rëndë dhe me shkallë të lartë mortaliteti, i cili është pjesë e riskut të çdo ndërhyrjeje kirurgjikale.

Pavarësisht përpjekjeve maksimale nga mjekët dhe stafi më i specializuar i Spitalit për gjatë disa orësh për ta risjellë pacienten në gjendje normale, fatkeqësisht pacientja humbi jetën.

Deklaratë, Spitali Amerikan – 31 Janar 2023

Nisur nga vëmendja dhe interesi publik, Spitali Amerikan, me pikëllim dhe dhimbje të thellë, ndien detyrim moral dhe profesional të japë informacion të saktë ndaj rastit të pacientes I.H për ndarjen e saj papritur nga jeta, më datë 30 Janar.

Pacientja I. H. në datë 29 Janar ka kryer ndërhyrje kirurgjikale pranë Spitalit Amerikan, ndërhyrje rutinë e kryer me çdo detaj sipas protokollit mjekësor dhe profesional. Operacioni është kryer konform çdo standardi mjekësor, pasi janë kryer të gjitha kontrollet, konsentet dhe analizat pre operatore të nevojshme.

Operacioni ka përfunduar me sukses dhe pa asnjë problem.

Në datën 30 Janar pacientja pësoi një përkeqësim të menjëhershëm nga një komplikacion post operator mjaft i rëndë dhe me shkallë të lartë mortaliteti, i cili është pjesë e riskut të çdo ndërhyrjeje kirurgjikale. Pavarësisht përpjekjeve maksimale nga mjekët dhe stafi më i specializuar i Spitalit për gjatë disa orësh për ta risjellë pacienten në gjendje normale, fatkeqësisht pacientja humbi jetën.

Spitali Amerikan, si në çdo rast, është në dispozicion për të bashkëpunuar me institucionet ligjzbatuese për sqarimin e kësaj ngjarje të dhimbshme për të gjithë, duke kërkuar shmangien e çdo deformimi apo dhe keqinformimi të publikut nga persona që nuk kanë informacion mbi situatën reale.

Sondazh

Poll

Lexo gjithashtu

Hapësire reklamuese