Partia Demokratike ka gati kallëzimin penal për ministrin e Brendshëm Sandër Lleshaj dhe Drejtorin e Përgjithshëm të Gjendjes Civile, Bledar Doracaj.
Kjo lëvizje e PD vjen pas investigimit të emisionit "Boom", ku u vu re se disa qytetarëve u është ndërruar vendbanimi pa dijeninë e tyre.
Sipas Sekretarit të Përgjithshëm të PD, Gazmend Bardhi, kjo gjë ka ndodhur për të manipuluar listat, pasi kush ndërron vendbanim automatikisht ndërron dhe qendër votimin.
Bardhi shprehet i bindur se nga Lleshaj dhe deri tek nëpunësi më i vogël do të mbajnë përgjegjësi për deformimin e vullnetit të qytetarëve.