Kreu i Partisë Demokratike Lulzim Basha ka shprehur ngushëllimet për ndarjen nga jeta të regjisorit të madh Pirro Mani.
Basha i shpreh ngushëllimet familjes për humbjen e njeriut të dashur, ndërsa thotë se ndarja nga jeta e Pirro Manit ishte e trishtë për teatrin, artin shqiptar dhe të gjithë artdashësit.
"Me hidhërim të thellë mësova lajmin e ndarjes nga jeta e ikonës së teatrit Pirro Mani.
E sotmja është një ditë e trishtë për teatrin, një ditë e trishtë për artin shqiptar, një ditë e trishtë për artdashësit.Në këto orë të vështirë për familjen Mani i shpreh ngushëllimet e mia të sinqerta bashkëshortes znj. Pavlina Mani dhe fëmijëve, si dhe kolegëve e miqve të tij në botën e artit.
U prehtë në paqe!", shkruan Basha në Facebook.