Deputetët Kujtim Gjuzi e Msylym Murrizi pritet të ndëshkohen nga Kuvendi i Shqipërisë, pas disa ankesave të mbërritura në adresë të tij, për dy ligjvënësit.
Mësohet se Murrizi e Gjuzi pritet të ndëshkohen për gjuhen e urrejtjes përdorur gjatë deklarimeve të tyre publike, ndaj grupeve të caktuara shoqërore. Nisur nga ankesat e mbërritura në adresë të Kuvendit nga Organizata të Shoqërisë Civile, kryeparlamentari Gramoz Ruçi do të drejtojë vetë mbledhjen ndaj dy deputetëve.
Mbledhja që do të zhvillohet paraditen e së enjtes pritet të jetë me dyer të mbyllura, ndërsa i ftuar do të jetë dhe Komisioneri për Mbrojtjen nga Diskriminimi.