Tirana
clear sky
29.5 ° C
29.5 °
29.5 °
51 %
1kmh
0 %
Enj
29 °
Pre
39 °
Sht
39 °
Die
42 °
Hën
36 °
E enjte, 29 Korrik, 2021

Mund të përfundonte në tragjedi, Policia e Tiranës arreston shoferin e autobusit që ishte “tapë” në timon, brenda kishte 50 pasagjerë (VIDEO)

spot_img
spot_img

Lajme të ngjashëm

Në 2 javët e para të muajit qershor Policia Rrugore në Tiranë ka ndëshkuar drejtuesit e mjeteve që drejtonin mjetin e tyre në gjendje të dehur.

Sipas njoftimit bëhet me dije se përgjatë dy javëve janë arrestuar në flagrancë nga policia 27 shoferë, pasi rezultuan me nivel alkooli mbi 0.50 mg/l, ndërsa janë pezulluar 83 patenta. 

Efektivët janë çuditur me drejtuesin e mjetit të transportit publik që kishte brenda 50 pasagjerë, ndërsa vetë drejtonte mjetin në gjendje të dehur.

Njoftimi i policisë: Tiranë

Nivelet e larta të alkoolit “flasin akoma më shumë” se këshillat e policisë, për rrezikun që u kanoset çdo ditë përdoruesve të rrugës nga drejtuesit që drejtojnë mjetet nën efektin e alkoolit.

Efektivët e Komisariatit Rajonal të Policisë Rrugore Tiranë, në funksion të parandalimit të aksidenteve rrugore, duke vlerësuar se drejtimi i automjetit në gjendje të dehur është një rrezik potencial për aksidente rrugore, deri në pasoja fatale, kanë riorganizuar kontrolle të alternuara në orare dhe mjete të ndryshme, përfshirë edhe mjetet e shërbimit të transportit publik, pasi drejtuesit , me papërgjegjshmëri përtej të zakonshmes, kanë guxuar të drejtojnë në gjendje të dehur mjete transporti publik, edhe me 50 pasagjerë, në destinacione turistike.

Kjo situatë, por edhe konstatimet e tjera të kësaj natyre, nuk mundet të jenë vetëm shqetësim dhe objekt i Policisë, por vetë drejtuesit e mjeteve duhet të reflektojnë për rrezikun që i kanosin vetes dhe të tjerëve duke drejtuar mjetin në këtë gjendje. Subjektet e transportit gjithashtu duhet të forcojnë kontrollet për disiplinën e drejtuesve të shërbimit publik gjatë kohës që shërbejnë në këto mjete dhe sigurisht, qytetarët, si aleatët më të rëndësishëm të Policisë, duhet të refuzojnë të udhëtojnë me ta apo më keq të transportohen nga drejtues mjetesh të shërbimit publik që manifestojnë sjellje të përdorimit të alkoolit apo lëndëve të tjera droguese e psikotrope dhe të njoftojnë menjëherë organet e Policisë në numrin e emergjencave 112.

Vetëm përgjatë dy javëve të para të këtij muaji, nga rrugorët e kryeqytetit janë arrestuar në kushtet e flagrancës 27 persona, për drejtim mjeti ne gjendje te dehur, pasi nga verifikimi me alkooltestues kanë rezultuar me një nivel alkooli mbi 0.50 mg/l si, si dhe janë pezulluar 83 leje drejtimi po për drejtim mjeti nën efektin e alkoolit.

Më shumë

spot_img
spot_img