Analisti Mustafa Nano në një koment të gjatë në mcntv.al analizon humbjen e PD në zgjedhje dhe ndryshimin 180 gradë të qëndrimeve të kësaj force politike që në mbyllje të kutive të votimit, e deri dy ditë pas zgjedhjeve.
Shkruan Nano:
Eshtë interesante sjellja e demokratëve pas datës 25 prill. Një a dy orë pas mbylljes së qendrave të votimit pamë Lulzim Bashën të qeshur para kamerave që deklaroi se shqiptarët e bënë të tyren dhe se fitorja e tyre ishte në kutitë e votimit që sapo ishin hapur e po numëroheshin. Nuk i nxuri goja asnjë ankesë. Përkundrazi, të jepte përshtypjen se ishte i një mendjeje me mua: “dita e votimit ishte një ditë e bukur, shqiptarët u sollën si qytetarë shembullorë…
Zgjedhjet janë një kapitull i mbyllur tanimë. Këtë gjë e dinë dhe demokratët. Që të gjithë. Dhe prandaj, sjellja e tyre është e cuditshme. Unë nuk kam fuqi ti kuptoj. Ka kohë që nuk i kuptoj në fakt por këtë herë është ndryshe. Nuk i kam parë kurrë në këtë derexhe, të fiksuar pas merakut për karrierën e një humbësi serial, e për avenirin politik të një idioti të dobishëm (më falni, të padobishëm). Janë në kulmin e një zhgjendrre.
Po jetojnë në një realitet që e kanë vec në kokën e tyre ku cdo gjë është me kokëposhtë: humbja u duket një fitore, Basha u duket udhëheqës i madh, Berisha u duket sikur nuk është kryetar partie, socialistët u duken sikur janë në pakicë, e Rama u duket i mbaruar. Prandaj them se ata janë tanimë unelectable.