Prej vitesh “lufta” mes Noizyt dhe Stresit ka shoqëruar botën e repit shqiptar. Pajtimi i tyre solli një zhurmë të madhe, e cila nuk u la pa u komentuar nga të gjithë.
Armiqësisë shumëvjeçare i erdhi fundit dhe përpos kësaj të gjithë u bëmë kurioz arsyen pse tani reperët vendosën që të bëjnë paqe.
Së fundmi Stresi në një intervistë për Prive ka folur më shumë dhe ka treguar detaje të cilat nuk i dinim për atë që ka ndodhur.
Reperi rrëfen se me Noizyn asnjëherë nuk ka qenë armik dhe se kishte ardhur koha që të pajtoheshin, ndonëse ky lajm nuk është fort i mirë për shumë reperë të tjerë.
“E vërtetë që është një ndër ‘sherret’ më të mëdha që ka pasur historia shqiptare, kanë ndodhur shumë gjëra, ka pasur edhe shumë raste që nuk janë lajmëruar në polici dhe tanimë jemi në një moshë të madhe, njerëzit kanë dashur gjithqysh të na shohin keq dhe i ramë lapsit, unë i rashë lapsit. Realisht, unë nuk e kam armik. I kemi mbyllur gjërat, secili në punë të vet secili ka suksesin e vet. Ky është lajm shumë i keq për të gjithë reperët sepse kanë pasur dëshirë të na shohin ndryshe, por jo nuk jemi ashtu siç mendoni ju”- thotë Stresi.