Deputeti i Partisë Demokratike, Edi Paloka thotë se marrëdhëniet mes kryeministrit Edi Rama dhe ambasadës amerikane në Tiranë janë ftohur.
Kjo sipas tij, dallohet edhe nga fotografitë e postuara nga ambasada e SHBA, ditën e djeshme gjatë një takimi të kryeministrit Edi Rama me Yuri Kim dhe ndihmës Sekretaren për Byronë e Popullsisë, Refugjatëve dhe Migracionit, Julieta Valls Noyes.
Sipas Palokës, stafi i ambasadës amerikane është kujdesur që në foto të mos ketë asnjë buzëqeshje, duke i kujtuar atij një fragment të Kadaresë ku përshkruhet ftohja e marrëdhënieve me Kinën.
“Nuk e di se si, po këto fotot e postuara në faqen e ambasadës së fundmi, më kujtuan një fragment të Kadaresë ku përshkruan ftohjen e mardhënieve me Kinën në atë kohë. Tregon se si ndryshuan njoftimet zyrtare mbas takimeve të delegacioneve dy palëshe që kaluan nga; “ Takimi ishte i ngrohtë dhe miqesor” në “Delegacionet i buzeqeshën njëri tjetrit”
Në fakt tek fotot e fundit të ambasadës janë kujdesur që të mos ketë asnjë buzeqeshje amerikane …”, shkruan Paloka në rrjetet sociale.
