Një karburant është përfshirë nga flakët mbrëmjen e sotme në zonën e Kombinatit.
Mësohet se karburant “Barka” që ndodhet pranë stacionit të fundit të autobusit, buzë rrugës ka marrë flakë për shkak të rrjedhjes së gazit.
Nga ngjarja nuk raportohet për persona të plagosur. Zjarri ka shpërthyer për shkak të përplasjes së një motori me depozitën e gazit. Më pas flakët janë përhapur në pjesët e tjera të karburantit duke rrezukuar që situata të përshkallëzohet.
Sipas policisë, paraprakisht dyshohet se zjarri ka qenë aksidental.
Newsbomb.al siguron foto dhe video nga momenti kur karburanti ka marrë flakë.
Forca të zjarrfikëses kanë mbërritur në vendin e ngjarjes dhe po punojnë për vënien nën kontroll të flakëve.