Stuhia Lee goditi pjesën perëndimore të Nova Scotia në Kanada, duke përmbytur rrugë, duke shkulur pemë dhe duke shkaktuar ndërprerje të energjisë për dhjetëra mijëra njerëz përgjatë bregut të Atlantikut Verior të Kanadasë.
Të paktën një person është raportuar i vdekur dje për shkak të motit të keq. Sipas mediave lokale, një shofer ka humbur jetën në shtetin amerikan të Maine, kur një pemë ka rënë mbi makinën e tij.
Qendra Kombëtare e Uraganeve të SHBA-së (NHC) tha se Lee po lëvizte më tej në veri pasi arriti në tokë dje në Long Island, një ishull i vogël në jugperëndim të Halifax. Stuhia pritet të dobësohet gradualisht gjatë dy-tre ditëve të ardhshme. Ai solli erëra të forta dhe reshje të dendura shiu ndërsa shkaktoi përmbytje në pjesët bregdetare të Maine dhe zona në brigjet e Atlantikut të Kanadasë.
Në Nova Scotia, rreth 120,000 njerëz ishin pa energji ditën e djeshme pasi erërat e forta shkulën pemët dhe dëmtuan linjat e energjisë elektrike. Në New Brunswick fqinjë, rreth 20,000 njerëz ishin pa energji elektrike.
Sondazh
Lexo gjithashtu
