Hapësire reklamuese

Çështjet kryesore

Aktualitet

“Mos udhëtoni më shpejt se jeta", Policia Rrugore apel shoferëve

Shkruar nga Newsbomb
“Mos udhëtoni më shpejt se jeta", Policia Rrugore apel

Policia e Shtetit ka dalë me një mesazh për drejtuesit e mjeteve në ditën e dytë të janarit.

Në njoftim uniformat blu bëjnë apel shoferëve që të zbatojnë rregullat e qarkullimit, të ulin shpejtësinë dhe të shmangin pijet alkolike.

Njoftimi i Policisë:

Mos udhëtoni më shpejt se jeta!

Shërbimet e Policisë Rrugore, përgjatë 2 ditëve të para të vitit të ri 2023, kanë intensifikuar monitorimet në akset rrugore dhe në qendrat urbane, me qëllim parandalimin e aksidenteve rrugore.

Në të gjitha akset rrugore, 11 makina inteligjente, 16 radarë automatikë, si dhe dhjetëra patrulla me mjete të paloguara, janë duke monitoruar qarkullimin.

Njëkohësisht, vijon monitorimi me përzgjedhje edhe për parandalimin e drejtimit të automjeteve, nën efektin e alkoolit apo në gjendje të dehur.

Policia Rrugore apelon për të gjithë drejtuesit e mjeteve që të zbatojnë me rigorozitet rregullat e qarkullimit rrugor, të shmangin përdorimin e celularit gjatë drejtimit të automjetit, të shmangin pijet alkoolike kur u duhet të drejtojnë mjetin, të moderojnë shpejtësinë, të vendosin rripin e sigurimit, drejtuesit e motomjeteve të vendosin kaskën mbrojtëse, të mos kryejnë parakalime të gabuara dhe në çdo rast, t’i japin përparësi këmbësorëve.

Adrenalina e festës nuk duhet të cënojë jetën.

Kontribuoni për sigurinë rrugore!

Vit të ri sa më të mbarë!

Lexo gjithashtu

Sondazh

Poll