Mos harroni çadrat! Moti surprizon sërish nesër

Dita e sotme u shoqërua me mot kryesisht të kthjellët dhe me diell, ndërsas ditën e nesërme pritet që temperaturat të ulen.

Shërbimi meteorologjik parashikon se mbi vendin tonë nesër pritet të depërtojnë masa ajrore më të ftohta të lagështa dhe të paqëndrueshme me origjinë Veriperëndimore.

Moti do të jetë me vranësira mesatare dhe të dendura shoqëruar me reshje shiu fillimisht me intensitet të ulët në zonën e veriperëndimit dhe jugperëndimit.

Pas orëve të mesditës reshjet me intensitet deri mesatar në pjesën më të madhe të vendit edhe në formën e shtrëngatave.

Në zonën e Alpeve, verilindje dhe juglindje reshjet fillimisht do te jene ne formen e shiut. Pas orëve të vona të mbrëmjes reshjet e shiut konvertohen në reshje dëbore në Alpe dhe verilindje në lartësi mbi 300 metër dhe në juglindje në lartësi mbi 700-800 metër.

Era për nesër do të fryjë relativisht e lehtë me drejtim jglindje-jugperëndim dhe shpejtësi deri në 8m/s.

Në orët e vona të mbrëmjes era ndryshon drejtim dhe intensitet dhe kthen nga kuadrtati i veriut dhe shpejtësi deri 15m/s në tokë dhe deri 25m/s në det.

Sa i përket temperaturave në vlerat minimale dhe ato maksimale për nesër ato pritet të jenë:

Në zonat malore 5° deri 11°C
Në zonat e ulta 6° deri 16°C
Në zonat bregedetare 9° deri 16°C