Hapësire reklamuese

Aktualitet

Mori ryshfet për tenderin, SPAK kërkon 4 vite burg për Joana Duron

Shkruar nga Newsbomb
Mori ryshfet për tenderin, SPAK kërkon 4 vite burg për Joana

SPAK ka kërkuar 4 vite burg për ish-sekretaren e Shëndetësisë, Joana Duro, e cila akuzohet se mori rryshfet për tenderin.

SPAK po ashtu ka kërkuar 1 vit e 6 muaj burg për specialisten te Ministria e Shëndetësisë, Laura Shteto dhe 2 vite burg për biznesmenin Vladimir Topi dhe 1 vite e 6 muaj burg për inxhinierin Silvi Shehi.

Kujtojmë që Joana Duro u arrestua më 2 qershor të këtij viti paski akuzohet se ka marrë 3.3 milionë lekë të vjetra si ryshfet për marrjen e një tenderi.

Në pranga ra edhe Laura Shteto, me detyrë Specialiste e Nivelit të Lartë në Agjensinë e Ofrimit të Shërbimeve Publike të Integruara. Shteto, sipas SPAK, ka marrë paratë nga kompania që kishte ndërhyrë për tenderin dhe ja ka dhënë sekretares Duro.

Në momentin e operacionit, në zyrën e Joana Duros është gjetur dhe shuma e marrë si ryshfet, prej 3 milionë e 300 mijë lekë të vjetra. SPAK ka kryer veprimet hetimore dhe nga to është krijuar dyshimi se vlera e përfituar në mënyrë të parregullt nga Joana Duro me funksionin Sekretare e Përgjithshme në Ministrinë e Shëndetësisë e Mbrojtjes Sociale (në shumën 330.000 lekë), është dhënë si ryshfet nga shtetasi Vladimir Topi.

Qëllimi i këtij shtetasi ka qenë për të përfituar në mënyrë të paligjshme nga tenderi i zhvilluar në Ministrinë e Shëndetësisë e Mbrojtjes Sociale, me objekt “Lot 1 “Supervizim për rikonstruksionin e disa Qendrave Shëndetësore në qarqet Tiranë e Durrës”.

Po ashtu, nga hetimi u grumbulluan prova që krijonin dyshime se Silvi Shehi me detyrë inxhinier pranë “Dricons sh.p.k”, pasi e ka marrë vlerën monetare prej 330.000 lekë nga banesa e shtetasit Vladimir Topit, ja ka dërguar më pas shtetases Laura Shteto. Kjo e fundit ishte personi që kishte njohje dhe mbante kontakte me Sekretaren e Përgjithshme të Ministrisë së Shëndetësisë e Mbrojtjes Sociale, Joana Duro, e cila u kap në flagrancë me shumën e vlerës monetare të përfituar në mënyrë të parregullt.

Sondazh

Poll

Lexo gjithashtu

Hapësire reklamuese