Hapësire reklamuese

Aktualitet

Mori 200 mijë lekë për t'i dhënë 4 vota PS-së, dënohet Gëzim Paplekaj

Shkruar nga Newsbomb
Mori 200 mijë lekë për t'i dhënë 4 vota

GJKKO ka dënuar me 8 muaj burg, Gëzim Paplekajn nën akuzën e korrupsionit pasiv në zgjedhjet qendrore të 2021.  Ky shtetas në një video të publikuar u shfaq duke marrë 20 mijë lekë të reja për 4 vota për Partinë Socialiste.

Video e Paplekajt me zë dhe figurë se kishte marrë 200 mijë lekë për 4 vota, të tijën dhe të familjarëve, në Lezhë, asoj kohe u bë virale duke nisur hetimet e këtij shtetasi në gjendje të lirë. Pas publikimit të videos Gëzim Paplekaj u shoqërua në Komisariatin e Lezhës për të sqaruar të vërtetën në lidhje me atë video, ndërsa për rastin SPAK nisi hetimet.

Pas publikimit të kësaj video katër anëtarët e fisit Paplekaj, Mirash, Gëzim, Donald dhe Jetmir Paplekaj, ranë në prangat e Policisë së Lezhës pasi kërcënuan dhe kanosën 38-vjeçarin, Ylli Kacolin, personi i cili e kishte filmuar.

Të katër këta shtetas kanosën Ylli Kacolin me qëllim që ky i fundit të bënte kallëzim të rremë në SPAK, ndërsa i dëmtuan dhe makinën.

 

Sondazh

Poll

Lexo gjithashtu

Hapësire reklamuese